مشہور گلوکارہ دوا لپا اور اداکار کالم ٹرنر نیویارک فیشن ویک کے دوران بلغاری کی ایک پروقار تقریب میں ایک بار پھر ایک ساتھ جلوہ گر ہوئے۔ اس نوبیاہتا جوڑے نے بدھ کے روز تقریب میں شرکت کی جہاں دوا لپا سنہری لباس، سیاہ پتلون اور سیاہ ہیلز میں انتہائی خوبصورت لگ رہی تھیں۔ انہوں نے چیتے کے پرنٹ کا ہینڈ بیگ اور بلغاری کے زیورات زیب تن کر تھے، جبکہ تقریب میں ان کی منگنی کی انگوٹھی بھی خصوصی توجہ کا مرکز بنی۔ دوسری جانب، کالم ٹرنر نے نسبتاً سادہ لباس کا انتخاب کیا جس میں نیوی بلیو قمیض، میچنگ پتلون اور سفید سنیکرز شامل تھے۔

یہ تقریب اس جوڑے کے لیے ایک انتہائی مصروف گرمیوں کے موسم کے بعد سامنے آئی ہے۔ دوا اور کالم نے رواں سال جون میں سسلی میں شادی کی تھی اور اس کے بعد اٹلی کے مختلف علاقوں میں وقت گزارا۔ اس دوران معروف گلوکارہ اپنے فنی امور میں بھی مصروف رہیں، جہاں انہوں نے اپنے سنی ہِل فیسٹیول کی میزبانی کے علاوہ اسٹاک ہوم کے ایک ریکارڈنگ اسٹوڈیو میں بھی وقت صرف کیا۔

دوسری طرف، کالم ٹرنر بھی اپنی نئی فلم ون نائٹ اونلی کی تشہیری مہم میں مصروف ہیں، جبکہ ان کا نام برطانوی جاسوسی فلموں کے سلسلے جیمز بانڈ کے اگلے کردار کے لیے بھی زیرِ گردش ہے۔ مزید برآں، یہ جوڑا گزشتہ ماہ فلم کے پریمیئر میں بھی ایک ساتھ دیکھا گیا تھا اور اب وہ نیویارک فیشن ویک سے بھرپور انداز میں لطف اندوز ہو رہا ہے۔

مین ہٹن میں ان کی عوامیملاقاتوں کے دوران مداحوں اور فیشن ناقدین نے دونوں کی شاندار اور باوقارانداز کی بھرپور تعریف کی ہے۔ یہ جوڑا موسیقی اور فلم کی دنیا میں اپنے کیریئر کے ساتھ ساتھ ذاتی زندگی کو بھی متوازن انداز میں آگے بڑھا رہا ہے۔