جیمز میک ایوائے کرسٹوفر ایبٹ کو اپنی ذمے داری سونپنے پر بے حد خوش ہیں۔ ٹورانٹو انٹرنیشنل فلم فیسٹیول کے موقع پر جمعہ 11 ستمبر کو انٹرٹینمنٹ ویکلی سے گفتگو کرتے ہوئے 47 سالہ جیمز میک ایوائے نے 40 سالہ کرسٹوفر ایبٹ کے مارول کی آنے والی ایکس مین ریبوٹ فلم میں پروفیسر زیویئر کا کردار سنبھالنے پر اپنے ردعمل کا اظہار کیا۔ جیمز میک ایوائے نے جوش سے کہا، "گڈ لک، گڈ لک، گڈ لک۔" انہوں نے مزید کہا، "میں صرف انہیں نیک تمنائیں اور بہترین قسمت کی دعا دیتا ہوں۔"

جیمز میک ایوائے نے سب سے پہلے 2011 کی فلم ایکس مین: فرسٹ کلاس میں نوجوان زیویئر کا کردار ادا کیا تھا، اور بعد میں ڈیز آف فیوچر پاسٹ، آپوکپس اور ڈارک فینکس میں بھی اس کردار کو دہرایا۔ ان کے کردار کا یہ ورژن مائیکل فیسبینڈر، جنیفر لارنس، نکولس ہولٹ اور ایوان پیٹرز کے ساتھ نظر آیا تھا۔

مارول کی اس نئی فلم میں کرسٹوفر ایبٹ کے ساتھ سیڈی سنک بطور جین گرے، سامارا ویونگ بطور ایما فراسٹ، مایا بوئڈ بطور سٹارم اور کٹ کونر بطور سائکلوپس جلوہ گر ہوں گے۔ آسا جرمین بھی بطور اینجل اس کاسٹ میں شامل ہو چکے ہیں۔

جیک شریر کی ہدایت کاری میں بننے والی یہ فلم 5 مئی 2028 کو سینما گھروں کی زینت بنے گی۔