موسیقی کی دنیا کی لیجنڈ ڈولی پارٹن کے 80 برس کی عمر میں انتقال کے بعد ان کا 1973 کا زبردست ہٹ گیت 'جولین' راتوں رات مقبولیت کی نئی بلندیوں پر پہنچ گیا۔ اس کے ساتھ ہی کنٹری میوزک کی اس آئکن کے دیگر کئی مشہور نغمے بھی ایپل میوزک کے امریکی ٹاپ 10 میں شامل ہو گئے، جن میں 'آئی ول الویز لو یو'، '9 ٹو 5' اور 'آئی لینڈز ان دی سٹریم' شامل ہیں۔ گیت 'جولین'، جو کہ ڈولی پارٹن کے 1974 کے البم کا حصہ تھا، البم کی ریلیز سے ایک سال قبل اکتوبر 1973 میں جاری کیا گیا تھا۔

یہ گیت ایک بینک کی ملازمہ سے متاثر ہو کر لکھا گیا تھا جس نے ان کے شوہر کارل ڈین کے ساتھ فلرٹ کیا تھا، جن کا انتقال مارچ 2025 میں ہوا تھا۔ موسیقی کی اس آئکن نے 2014 میں گلاسٹ‌بری میں اپنی پرفارمنس کے دوران اس گیت کی تخلیق کے پس منظر پر روشنی ڈالی تھی۔ دی انڈیپنڈنٹ کے مطابق، ڈولی پارٹن نے اس وقت ہجوم کو بتایا تھا: "اب آپ میں سے کچھ لوگ شاید یہ جانتے ہوں یا نہ جانتے ہوں کہ یہ گیت تھوڑی بہت سچائی پر مبنی ہے۔ میں نے یہ برسوں پہلے لکھا تھا جب میرے شوہر جولین کے ساتھ جتنا میں سوچتی تھی اس سے تھوڑا زیادہ وقت گزار رہے تھے۔"

اس انکشاف پر شائقین کی جانب سے ہوٹنگ کیے جانے پر ڈولی نے کہا تھا کہ میں نے "اس سرخ بالوں والی عورت سے جلدی سے جان چھڑا لی"، جس پر مجمع نے خوشی کا اظہار کیا۔ اس کے علاوہ انہوں نے شائقین سے اعتراف کیا کہ اس تجربے نے انہیں مشہور اور مالا مال کر دیا۔ ڈولی نے کہا تھا: "میں چاہتی ہوں کہ آپ لوگ یہ جان لیں کہ کسی بھی چیز سے کوئی اچھی بات بھی نکل سکتی ہے۔ اگر وہ عورت نہ ہوتی تو میں کبھی 'جولین' نہ لکھتی اور میں اتنا پیسہ نہ کماتی، لہٰذا شکریہ، جولین۔"

ایک موقع پر ڈولی پارٹن نے اپنے اور کارل ڈین کے تعلقات کے بارے میں بھی روشنی ڈالی۔ بی بی سی کے 'دی ون شو' میں ایک انٹرویو کے دوران ڈولی نے کہا تھا: " میں نے گیت 'جولین' لکھا تو وہ تھوڑے شرمندہ ہوئے تھے کیونکہ درحقیقت یہ اتنا سنجیدہ نہیں تھا جتنا دکھائی دیتا ہے۔ میں صرف اس لیے جلن کا شکار تھی کہ وہ ایک خوبصورت عورت تھی اور وہ صرف فلرٹ کر رہے تھے۔" ڈولی پارٹن کینسر کے خلاف جنگ لڑنے کے بعد 25 اگست کو 80 برس کی عمر میں انتقال کر گئیں۔