پیرا مور کی مرکزی گلوکارہ ہیلی ویلیمز نے میکلمور کے لوپ ٹور سے اخراج کے بعد ایڈ شییرن کے مبہم بیان پر عوامی سطح پر طنز کرتے ہوئے اپنا سیاسی مؤقف بالکل واضح کر دیا۔ پیرا مور کی لیڈ سنگر نے میکلمور کی پوسٹ کو لائک کرکے اور ایک انسٹاگرام اسٹوری کو دوبارہ شیئر کرکے ان کی بھرپور حمایت کی، جس میں شیپ آف یو کے گلوکار کو آڑے ہاتھوں لیا گیا تھا۔

اس پوسٹ میں طنزیہ طور پر لکھا گیا تھا کہ، "اے دوستو! میں نے ہونے والے تمام مظالم دیکھ لیے ہیں اور میں چاہتا ہوں کہ آپ کو معلوم ہو کہ میں کچھ بھی نہ کہہ کر اس بحث کو کھلا رکھ رہا ہوں۔ میں ایک ایسا رول ماڈل ہوں جس کی پیروی کی جانی چاہیے (ایک پروڈکٹ) اور یہ بہت ضروری ہے کہ میں سیاست پر بات کرکے اپنے نوجوان مداحوں (سرمایہ کاروں اور شیئر ہولڈرز) کو ہرگز مایوس نہ کروں۔ میرے شوز سیاست سے کہیں زیادہ بڑے ہیں، یہ ایک بزنس ہیں۔"

اس کے فورا بعد اپنے ہی ایک شو کے دوران، اس معروف گلوکارہ نے فلسطینی کاز کے ساتھ مکمل یکجہتی کا اظہار کرتے ہوئے انتہائی دلایرانہ سیاسی بیانات دیے۔ اس کے بعد مداحوں نے بڑی تعداد میں سوشل میڈیا کا رخ کیا اور ہیلی ویلیمز کی خوب تحسین کی۔

ایک مداح نے لکھا، "میں اپنی زندگی کے آدھے سے زیادہ عرصے سے ہیلی ویلیمز کا مداح رہا ہوں اور مجھے اس بات پر کبھی پچھتاوا نہیں ہوا۔" ایک اور صارف نے اضافہ کیا، "ہیلی ویلیمز کبھی چُوکتی نہیں۔" ایک تیسرے شخص نے اپنی رائے کا اظہار کرتے ہوئے کہا، "ہیلی اور پیرا مور سے محبت ہے، انہیں تاریخ کے درست اور سچے فریق پر کھڑے دیکھ کر بہت خوشی ہوئی،" جبکہ ایک اور مداح نے لکھا کہ وہ ہیلی اور میکلمور کو ایک ساتھ کسی شو یا ٹور میں پرفارم کرتے دیکھنا چاہتے ہیں۔