برطانوی پاپ گروپ دی وانٹڈ سے تعلق رکھنے والے معروف گلوکار نیتھن سائیکس نے اعلان کیا ہے کہ وہ عنقریب والد بننے والے ہیں کیونکہ ان کی اہلیہ چارلوٹ اپنے پہلے بچے کی توقع کر رہی ہیں۔ گلوکار نے بدھ کے روز سوشل میڈیا پر ایک پوسٹ کے ذریعے یہ خوشخبری اپنے مداحوں کے ساتھ شیئر کی اور بتایا کہ ان کا پہلا بچہ اپریل 2027 میں اس دنیا میں آئے گا۔

جوڑے نے فوٹو بوتھ میں لی گئی تصاویر کے ذریعے اپنی خوشی کا اظہار کیا جس میں وہ اپنے الٹراساؤنڈ اسنیپس تھامے ہوئے نظر آ رہے ہیں۔ تصویر میں چارلوٹ اپنے بیبی بمپ کو ظاہر کرتی ہوئی انتہائی خوبصورت لگ رہی تھیں جبکہ پوسٹ میں ایک آن اسکرین پیغام کے ذریعے بچے کی پیدائش کی متوقع تاریخ کا بھی انکشاف کیا گیا۔

مداحوں کے ساتھ شیئر کی گئی اس پوسٹ کے کیپشن میں لکھا گیا تھا کہ ہم ایک چھوٹا سا راز چھپائے ہوئے تھے اور اب سائیکس بے بی باضابطہ طور پر آنے والے ہیں۔ واضح رہے کہ نیتھن سائیکس اور چارلوٹ نے گزشتہ سال اکتوبر میں یارکشائر میں ایک پریوں جیسی خوبصورت شادی کی تقریب میں رشتہ ازدواج میں بندھ گئے تھے۔