برطانوی شاہی خاندان کے سینئر ارکان پرنس ولیم اور پرنسس کیٹ کے اس منصوبے کو شاہی منظوری مل گئی ہے جو انہوں نے برطانیہ آمد پر پرنس ہری اور میگن مارکل سے نمٹنے کے لیے تیار کیا تھا۔ اطلاعات کے مطابق کئی روز کی طویل اور شدید ملاقاتوں کے بعد یہ فیصلہ کیا گیا ہے کہ شاہی جوڑا کوئی ردعمل ظاہر نہیں کرے گا۔

ذرائع کے مطابق پرنس ولیم اور پرنسس کیٹ نے یہ طے کیا ہے کہ وہ سسیکس جوڑے کو اس قسم کا مواد فراہم نہیں کریں گے جس کی وہ تلاش میں رہتے ہیں۔ وومن ڈے کی رپورٹ کے مطابق یہ جوڑا آنجہانی ملکہ برطانیہ کے دیرینہ اصول 'کبھی شکایت نہ کرو اور نہ ہی وضاحت دو' پر عمل پیرا ہوگا۔ ایک اندرونی ذریعے نے انکشاف کیا کہ پرنس ولیم نے آگے بڑھنے کے لیے ایک انتہائی سادہ راستہ چنا ہے اور ایک ایسا راستہ جس کے بارے میں ان کا خیال ہے کہ ملکہ معظمہ بھی اس کی منظوری دیتیں۔ انہوں اور کیٹ نے فیصلہ کیا ہے کہ ہری اور میگن، پسند کریں یا نہ کریں، جلد ہی ان کی رعایا بن جائیں گے اور اگر انہیں ایک دن بادشاہ اور ملکہ بننا ہے تو انہیں اپنی سفارتی صلاحیتیں بروئے کار لانی ہوں گی اور اسے اپنے حق میں اور اپنی شرائط پر طے کرنا ہوگا۔

پرنس ولیم اور کیتھرین کی ڈیوک اینڈ ڈچس آف سسیکس کے ساتھ کسی بھی قسم کی چپقلش میں کوئی دلچسپی نہیں ہے کیونکہ تخت کے وارث ہونے کی حیثیت سے وہ اس تمام ڈرامے سے کہیں بالا تر ہیں۔ ویلز فیملی کا حلقہ سسیکس جوڑے کے حلقے سے بالکل مختلف ہے۔

ذرائع نے مزید انکشاف کیا کہ 'کبھی شکایت نہ کرو اور نہ ہی وضاحت دو' کے اصول کو اپنانا اور اس تمام تماشے سے بالاتر رہنا ہی وہ حکمت عملی ہے جس پر پرنس ولیم اور کیٹ فی الحال عمل پیرا ہیں۔