اردن کی ملکہ رانیہ کو ان کے صاحبزادے اور اردن کے ولی عہد شہزادہ حسین کی جانب سے سالگرہ کی خصوصی مبارکباد دی گئی ہے۔ ملکہ رانیہ 31 اگست کو 56 برس کی ہو گئی ہیں اور انہیں اس موقع پر دنیا بھر سے اپنے پیاروں کی طرف سے دلی مبارکبادیں موصول ہو رہی ہیں۔

شہزادہ حسین نے اپنی والدہ کی ایک دلکش تصویر شیئر کی جس میں وہ اپنی پوتی کے بال بنا رہی ہیں، اور کیپشن میں لکھا، "میری پیاری امی کو سالگرہ مبارک ہو! اللہ آپ کی حفاظت کرے اور آپ کو طویل عمر عطا فرمائے، اور آپ کے تمام دن خوشی، صحت اور تندرستی سے بھرپور ہوں۔"

ملکہ رانیہ نے سالگرہ کی ان خوبصورت مبارکبادوں پر تشکر کا اظہار کرتے ہوئے اپنی اور اپنی پوتیوں ایمان، امینہ، طالیہ اور رانیہ کی ایک اور دلکش تصویر بھی شیئر کی۔

انہوں نے اپنے پیغام میں لکھا، "میں اپنی سالگرہ بہترین طریقے سے گزار رہی ہوں۔ تم سب سے محبت کرتی ہوں، میری پیاری چھوٹی بچیوں۔" اس خاندانی تصویر کو سوشل میڈیا پر بھی بے حد پسند کیا جا رہا ہے۔