میگن مارکل ملکہ الزبتھ دوم کے جنازے کے چار سال بعد سے برطانوی سرزمین پر باضابطہ طور پر نظر نہیں آئیں، حالانکہ وہ چند ہفتے قبل کنگ چارلس کے ساتھ ہائی گروو میں ہونے والی ملاقات کے دوران بھی برطانیہ میں موجود تھیں۔ اگست کے آخر میں برمنگھم ایئرپورٹ پر پرنس ہری کے ہمراہ آمد کے وقت میگن مارکل کی صرف ایک جھلک دکھائی دی تھی، لیکن اس کے بعد سے سسیکس جوڑے کو عوامی سطح پر کہیں آتے جاتے نہیں دیکھا گیا۔

مزید برآں، پرنس آرچی اور پرنسس لِلی بیٹ کے اسکول شروع ہو چکے ہیں، مگر اس حوالے سے بھی کوئی خاص خبر سامنے نہیں آئی۔ ایسا معلوم ہوتا ہے کہ سوٹس کی سابق اداکارہ منظرِ عام پر آنے کے لیے بہترین وقت کی تلاش میں ہیں، جبکہ دوسری جانب پرنس ہری نے بھی اس پورے مہینے کے دوران اپنی مصروفیات کی فہرست تیار کر لی ہے۔

دی سن کو ایک باخبر ذریعے نے بتایا کہ میگن مارکل اس وقت مکمل طور پر بچوں کو سیٹ کرنے پر توجہ مرکوز کیے ہوئے ہیں، کیونکہ ترتیب دینے کے لیے بہت سی چیزیں موجود ہیں۔ رپورٹ میں یہ تجویز کیا گیا ہے کہ ان کی کسی بھی عوامی تقریب میں شرکت سے پہلے ابھی کئی ہفتے لگ سکتے ہیں۔ تاہم، یہ آنے والے ہفتے شاہی خاندان کے لیے انتہائی مصروف ترین ثابت ہوں گے کیونکہ خاندان کے تمام افراد اپنی موسم گرما کی تعطیلات سے واپس آ چکے ہیں۔

اس کے علاوہ، اکتوبر میں کنگ چارلس اور کوئین کمیلا کا ایک سرکاری دورہِ مملکت اور ایک غیر ملکی دورہ بھی طے شدہ ہے۔ شاہی مداحوں کا اندازہ ہے کہ یہ میگن کا ایک معمول کا طریقہ کار ہے تاکہ کسی طرح شاہی مصروفیات کی گہما گہمی کا فائدہ اٹھاتے ہوئے اپنی تقریب کی جانب توجہ مبذول کروائی جا سکے۔ پرنس ہری نہ صرف ویل چائلڈ ایوارڈز کے ذریعے اپنی واپسی کا اعلان کرنے والے ہیں، بلکہ وہ گزشتہ سال نومبر میں کینیڈا کے شہر ٹورانٹو کے دورے کے دوران 102 سالہ بزرگ فوجی ایڈی مارشل سے کیے گئے وعدے کے مطابق فلاحی اداروں کے لیے اسکائی ڈائیونگ بھی کریں گے۔